नागोया। नेपाल तामाङ समाज जापान च्युबू, मिए क्षेत्रीय समिति जापानले सोनाम ल्होछार विशेष ,सांस्कृतिक कार्यक्रम गरि मनाउने भएको छ । समाजले `मञ्जुश्री संवत २८६१, डुल सा पुख्री ल्हो´ को विशेष अवसर पारेर फेब्रुअरी १५ तारीख ल्होछार साँस्कृतिक कार्यक्रम गर्न लागिएको हो ।

पछिल्लो समय अध्ययन र रोजगारीका लागि जापान आउने नेपालीको संख्या ठूलो रहेको छ । नेपालीहरुको बाक्लो उपस्थिति रहेको नागोयाको सकाएस्थित क्लब उतागेमा तामाङ समुदायको प्रतिनिधित्व गर्दै विदेशमा रहेका तामाङ समुदायहरुलाई एकताबद्ध गर्ने, आफ्नो संस्कृतिलाई विश्वमा चिनाउने, नेपालीहरुलाई अपनत्व गराउने र यस पर्वको संरक्षण र संवद्र्धन गर्ने उद्देश्यले २८६१, डुल सा पुख्री ल्हो´ भव्य रुपमा मनाउने तयारी गरेको हो ।

कार्यक्रममा नेपालबाट आमन्त्रित कलाकारहरु चर्चित गायक तथा संगीतकार विश्व दोङ्ग, सेलो तथा म्हेन्दोमाया गायिका रेश्मा बोम्जन, मोडल यंगी दोङ्ग र साथै स्थानीय कलाकारहरु सरोज लामा, सपना तामाङ, सोनाम रुम्बा र एलिना योञ्जन लगायतको प्रस्तुति रहेनछन् ।

बिगतमा वर्षझैँ यस वर्ष पनि निरन्तरता दिनको लागि समाजले कार्यक्रम गर्न लागिएको र यो कार्यक्रमलाई सबैजना मिलि सफल पार्नका लागि समाजका अध्यक्ष हरि दोङ्ग तामाङले अनुरोध गरेका छन्।